Sa e njohin shqiptarët kombin dhe njëri-tjetrin?

Po flitet shumë për ribashkim kombëtar, diku me spekullime e demagogji, e diku me dëshirë të pastër. Por a e njohin shqiptarët njëri-tjetrin? A e njohin Shkodrën, Kukësin, Ulqinin, Plavën, Gucinë, Prishtinën, Gjakovën, Pejën, Prizrenin, Preshevën, Shkupin, Tetovën, Kërçovën, Manastirin, Janinën, Korçën, Beratin, Tepelenën, Pargën, Prevezën etj etj?
Se ribashkimi duket i vështirë kur një pjesë e mirë e shqiptarëve nuk njohin shqiptarët e tjerë, dhe nisen me paragjykime ndaj tyre duke u kapur te propaganda sllave e greke.
Kam një javë në Tiranë, dhe më kanë zënë veshët lloj-lloj çmendurish, si tipit: I urrej kosovarët, nuk i dua "maqedonsit" (term që disa ndyrësira përdorin për shqiptarët në FYROM), çamët e poshtër duan të na prishin vllazërinë me grekët, lalucë të urryer, kuksianë të poshtër, etj etj.
Dhe ma merr mendja që persona të tillë, nuk kanë marrë mundimin të dalin jashtë qendrës së Tiranës, megjithëse kanë para për të shëtitur në Athinë, Beograd, e lloj-lloj shtetesh.
Kam takuar plot të rinj këtu në Tiranë, që nuk kanë qenë asnjëherë në Kosovë, ose në pjesën Shqiptare në FYROM, bile kishte nga ata që kishin qenë në FYROM, dhe njihnin një tufë me sllavomaqedonas, por nuk njihnin asnjë shqiptar nga FYROM, dhe mendimet rreth shqiptarëve aty i mbështesnin dhe ndërtonin sipas atyre që u kishin thënë sllavomaqedonasit. Ose ke shumë që nuk kanë qenë as në ndonjë qytet tjetër përveç Tiranës e Durrësit, dhe pastaj ndërtojnë dhe u lindin lloj-lloj mendimesh të këqija rreth bashkëkombasve të tyre.

Ne duhet të propagandojmë me të madhe takimet mes shqiptarëve që kemi mbetur në shtete të ndryshme. Pa e njohur njëri-tjetrin, nuk mund as të bëhemi atdhetarë, e as të ribashkohemi. Duhet që të gjitha shkollat ku ka shqiptarë, ta kenë me detyrim të paktën një udhëtim në vit në zonën shqiptare në Mal të Zi, në Kosovë, Preshevë, zonën shqiptare në FYROM, dhe në Çamëri.

Shqiptaret per para shesin nenen edhe motren jo me kombin e veten

Shume e vertet Black, duke u nisur dhe nga zhvillimet e fundit ne politiken shqiptare ku politikanet tane zgjedhin partine ne vend te shqiperise

kush lexon histori meson per shqiperine dhe per shqiptaret ,saper njeri tjetrin jemi deshmitare te nje realiteti dy kontrastesh ne shqiperi nje realitet i te pasurve dhe nje i te varferve