Tata Nano - vetura më e famshme në panairin e Gjenevës

Tata Nano - vetura më e famshme në panairin e Gjenevës

Pak modele janë pritur në Gjenevë me aq pompozitet sa, automjeti më i lirë në botë– Tata Nano.

“Paris Hiltoni” i panairit të automjeteve të Gjenevës është paraqitur në dy versione – për gazetarët, në versionin më interesant, që për indianët do të kushtojë rreth 2.500 dollarë amerikanë, dhe versionin “luksoz”, me detaje të avancuar të enterierit dhe eksterierit.
Detajet si ai i mbrojtësit në ngjyrën e trupit të makinës, dritat e mjegullës apo shtojcat tjera do të merren me pagesë shtesë. Për fat të keq, gazetarëve u është ndaluar qasja në brendinë e automjetit, prandaj nuk ka fotografi më të mira të enterierit.

Versioni serik i Nanos në Gjenevës është sjellë vetëm për ekzibicion nga prodhuesi indian, duke marrë parasysh se paria e Tatas veçmë ka paralajmëruar se nuk ka për qëllim që, automjetin më të lirë në botë, ta shes në tregjet evropiane, së paku jo në këtë version.

Indianët janë të vetëdijshëm se Nano në këtë gjeneratë nuk do t’i përmbushte normat e rrepta evropiane të ekologjisë dhe sigurisë prandaj, së paku tani për tani, do të përqendrohet në tregun lokal dhe në vendet e botës së tretë.