28 Nëntori në Maqedoni

[Amelia]

Me rastin e 101-vjetorit të Pavarësisë dhe Ditës së Flamurit Kombëtar, në Zajaz të Kërçovës u inaugurua Qendra Përkujtimore “Nëna Shqiptare” që u ngrit për nder të viktimave të këtij rajoni nga Luftërat Ballkanike.

Në këtë kompleks memorial që shtrihet në një sipërfaqe prej 10 mijë metrash katror, do të rivarrosen eshtrat e rreth 300 shqiptarëve të masakruar një shekull më parë nga ushtria serbe.

Në fjalën që mbajti gjatë hapjes së qendrës përkujtimore, kreu i BDI-së Ali Ahmeti tha se shtetet që kanë kryer këto masakra duhet t’i kërkojnë falje shqiptarëve.

“Kjo që bëjmë sot është një apel dhe thirrje që të gjithë ata popuj, të gjithë ato shtete që kanë ushtruar gjenocid dhe kanë shfarrosur fshatra të tëra me shqiptarë, të reflektojnë, të kërkojnë falje sepse ne jemi ata që duam të ndërtojmë të ardhme të sigurtë për gjeneratat që vijnë pas nesh”, tha Ali Ahmeti lider i BDI-së.

Ahmeti, më tej i uroi të gjithë shqiptarëve 28 Nëntorin, ndërsa ftoi bashkëqytetarët maqedonas të mos provokohen nga flamuri shqiptarë.

“Asesi nuk duhet të jetë pengesë për bashkëqytetarët tanë maqedonas ngritja e këtyre përmendoreve, shtatoreve dhe valvitja e këtij flamuri kombëtar, sepse ky flamur, nuk është as i Shqipërisë, as i Kosovës, as i shqiptarëve të Maqedonisë, ky flamur është flamur i kombit shqiptar i cili nëpër dekada është larë me gjak”, deklaroi kreu i BDI-së.

Kreu i BDI-së, tha se Qendra Memoriale në Zajaz të Kërçovës nuk është e drejtuar kundër askujt, pasi shqiptarët gjithmonë kanë kontribuar për paqen dhe asnjëherë nuk kanë ngritur aleanca për zhdukjen e kombeve.
/Top Channel

[MonroeAnëtar elitë]

28 Nëntori nuk pranohet si festë shtetërore në Maqedoni

Festa kombëtare shqiptare e 28 Nëntorit - Ditës së Flamurit dhe pavarësisë u rrëzua sot në nivel të komisioneve parlamentare si propozim i bërë për tu bërë festë shtetërore në Maqedoni.
Deputetët e Komisionit për sistem politik dhe marrëdhënie ndëretnike nuk kanë pranuar propozimin e bërë nga grupi parlamentar i PDSH-së për ndryshimin e Ligjit për festat dhe përfshirjen e 28 Nëntorit si festë shtetërore për shqiptarët në Maqedoni. 
Por, deputetët e BDI për herë të parë kanë mbështetur këtë propozim të bërë nga PDSH-ja, mirëpo shumicën nuk u sigurua, për shkak të votimit të kundërt nga ana e VMRO-DPMNE dhe partive tjera maqedonase. Nga LSDM nuk kanë marrë pjesë në seancën e votimit të këtij komisioni parlamentar. 
Ndërkohë, një muaj më parë kreu i BDI-së, Ali Ahmeti nuk përjashtoi mundësinë që 28 Nëntori si Dita e flamurit kombëtar të përfshihet si festë shtetërore në Maqedoni. (INA)

[MonroeAnëtar elitë]

[Sponsored content]