Shqipëri-Armeni, dalin në shitje biletat

Biletat për ndeshjen eliminatore të "Euro 2016" ndërmjet Shqipërisë dhe Armenisë, të mërkurën kanë dalë në shitje.

Federata e Futbollit e Shqipërisë, ka njoftuar se çmimet për duelin me Armeninë do të sillen prej shtatë eurove (1.000 lekë) që është bileta më e lirë deri në 70 euro (10.000 lekë) sa do të kushtoj më e shtrenjta.

Ndeshja Shqipëri - Armeni do të zhvillohet më 29 mars në stadiumin "Elbasan Arena" dhe do të nisë në orën 18:00. Kjo ndeshje do të zhvillohet në kuadër të Grupit I.
Aktualisht Kombëtarja e Shqipërisë renditet në pozitën e tretë në grup me katër pikë të tubuara pas tri ndeshjeve të zhvilluara.
Ndërsa Armenia renditet e fundit me vetëm një pikë, përcjell koha.net. Pjesë e këtij grupi eliminator janë edhe Danimarka, Portugalia e Serbia.