Sjellja e Aida Dërgutit, Xhavit Halitit, Valentina Leskajt dhe e Erëmira Mehmetit, tr

Publicisti Rexhep Kastrati, përmes një postimi ne facebook ka shkruar se sjellja e Aida Dërgutit, e Xhavit Halitit, e Valentina Leskajt dhe e Erëmira Mehmetit ka elemente të tradhtisë kombëtare, pasi në Asamblenë Parlamentare të Këshillit të Evropës nuk kaluan amendamentet pro Kosovës.

“As Aida Dërguti, as Xhavit Haliti nuk qenë në gjendje ta bindin (nuk di a kanë provuar) Valentina Leskajn që ta ndihmojë Kosovën. Dhe sjellja e Aida Dërgutit, e Xhavit Halitit, e Valentina Leskajt dhe e Ermira Mehmetit është me elemente të tradhëtisë kombëtare, pasi me këtë sjellje, këta bënë që të mos kalojnë amendamentet pro Kosovës të sponzorizuara nga anëtari demokrat, Oerd Bylykbashi dhe nga anëtarë të delegacionit suedez, dhe bënë të kalojnë amendamentet e Serbisë kundër Kosovës”, ka shkruar Kastrati./BS/

Ja postimi i plotë

SJELLJA E AIDA DËRGUTIT, E XHAVIT HALITIT, E VALENTINA LESKAJT DHE E ERËMIRA MEHMETIT, ME ELEMENTE TË TRADHËTISË KOMBËTARE

Rasti i turpshëm në Asamblenë Parlamentare të Këshillit të Evropës kur ranë amendamentet e propozuar nga anëtari demokrat i delegacionit të Kuvendit të shtetit shqiptar, Oerd Bylykbashi të bashkësponzorizuar edhe nga anëtarë të delegacionit suedez, por kaluan katër amendamentet e Serbisë, përfundimisht ka demaskuar retorikën e sektës okulte të Albinit, opozitën dhe PDK-në. Aida Dërguti e sektës okulte të Albinit nuk bëri asgjë pë të penguar cenimin e sovranitetit të Kosovës, dhe deri më tash nuk ka dhënë shpjegim. Xhavit Haliti falenderoi Ermira Mehmetin që iku dhe fajsoi Sali Berishën, i cili fare nuk kishte qenë aty. As Aida Dërguti, as Xhavit Haliti nuk qenë në gjendje ta bindin (nuk di a kanë provuar) Valentina Leskajn që ta ndihmojë Kosovën. Dhe sjellja e Aida Dërgutit, e Xhavit Halitit, e Valentina Leskajt dhe e Ermira Mehmetit është me elemente të tradhëtisë kombëtare, pasi me këtë sjellje, këta bënë që të mos kalojnë amendamentet pro Kosovës të sponzorizuara nga anëtari demokrat, Oerd Bylykbashi dhe nga anëtarë të delegacionit suedez, dhe bënë të kalojnë amendamentet e Serbisë kundër Kosovës. Kush ka dyshim se PDK, sekta okulte e Albinit, AAK, Nisma nuk janë njësoj, tash kanë rastin të binden. Dhe të katra janë pjesë të linjës së Tiranës/Kretës që e prodhoi Nano-Milosheviq në Kretë. Kjo linjë, sikurse linja udbasho-jugosllavokomuniste në skenën e Kosovës kanë instaluar filozofinë e tradhëtisë në emër të patriotizmit. Tashmë retorika mashtruese me mbrojtjen e sovranitetit ka marr fund, ashtu siç ka marr fund edhe demagogjia politike pseudopatriotike në përgjithësi. Fotot që janë pjesë e këtij komenti janë dëshmi e angazhimit të përbashkët kundër sovranitetit të Kosovës.