"POETIKA E FAN S. NOLIT"nga Prof. Kristaq F. Shabani
25th August 2024, 01:28
POETIKA E FAN S. NOLIT
Nga Prof. Kristaq F. Shabani
Poezia e Fan S. Nolit është një poezi e veçantë, e cila ndryshon katërcipërisht nga krijimet e poetëve të tjerë shqiptarë nga stili, simbolika, përzgjedhja e fjalës, shprehësia e saj, timbri, melodia, dinamika, larmiteti i temës, rimimi. Karakteristika e poezisë së këtij poeti madhor është se, përdori formate të kushtrimit poetik, në poezinë e tipizuar epike. Një karakteristikë tjetër tipike është dhe fortësia e vargut, ku çekiçi “pneumatik” pulson me një dinamizëm të jashtëzakonshme dhe të ngre në këmbë. Poezia e Fan Nolit është e karakterit të theksuar epik, por dhe “epistolik”, një poezi spirituale, vibrative dhe elipsoidale... Poezitë e tij janë si nota të ndërlidhura në një partiturë harmonike, të cilat mesazhojnë mesazhe të përmasës së madhe dhe të përmbysjes së madhe. Po kështu një karakteristikë kryesore është dhe koinciziteti në krijim, i cili e bën poezinë të flaktë, pra të zjarrtë dhe depërtuese në shpirt njerëzor.
Tërësia e krijimeve poetike të Fan S. Nolit ka efekt të menjëhershëm dhe nxit proceset volitive te lexuesit, te njerëzit. Ajo shfaqet me një simbolikë kualitative, vepruese, me forcë të madhe fjale të përzgjedhur dhe hap perspektivë mendimi. Noli, paçka nga sasia e paktë e poezive, ai u shndërrua në një poet klasi, duke dhënë kontribut në “gjininë” e ditirambit, por edhe të elegjisë. Një veçanti e poezisë noliane është dhe lëvrimi i saj, në disa poezi pa prezencë të foljeve, por, duke u dhënë parësi pjesëve të tjera të ligjiratës.
Si mjeshtër edhe i artit madhor muzikor e përçoi këtë talent dhe në poetikën e tij. Kjo tendencë vërehet në nuancat vargëzuese e shprehur qartë në intonacion, deklamim (interpretim), në temp me kurbë ...
Noli në, poetikën e tij personifikon dhe tipizon, portretizon, përdor shkallë të lartë sarkazme, i këndon simbolit të kombit me një mënyrë mjaf individuale. Poezia noliane rend në mënyrë “marathonomake”, kërkon me aftësi “dhurata” lirie e trimërie- sakrilegjie gatishmërie për Nënën e madhe, Shqipërinë dhe jep shpresën e besimit madhor. Poezi të tilla të marsheve janë poezi “pamfletiste“, marshiste haprënda, kontrastive, poezi të pyetjeve retorike therëse, ritmike, madje dhe profetike e të karakterit filozofik... Si njohës i teologjisë, ai ka personazhe e kryepersonazhe nga bota perëndore. “Kryetableta” poetike e tij “Anës Lumenjve” e poezisë së veçanësisë, ku foljet kryefjalëzojnë në një mënyrë të spikatur në staturën ndërtuese: emër+ emër+ mbiemër; parafjalë emër+ lidhëse+ mbiemër e tjerë formate me pjesë ligjirate, por edhe folje + folje plus dhe mbiemër si tregues gjendjeje, manifest i kësaj ideje ilustruese. Është i çuditshëm Noli në krijimin e këtyre alternativave poetike! Por, vargjet nolianë mbartin në çfarëdo gjendje: shpresën, besimin, besën dhe etjen për të jetuar njeriu, kombi... dhe zhveshin lakuriq prapësirën, errësirën, duke menduar për dritën e për të realizuar stërkëmbthin e hijeve... Noli në poetikën e tij ka prezencë vetëtimën, stuhinë dhe prezencën vullkanike...
Poetika e tij ka efekt çlirues dhe apelues...Poetë të tillë të kalibrit zënë vend me dinjitet dhe me virtuozitet në Poetikën Shqipe. Kjo quhet poezi hyjnore.
- KRISTAQ F. SHABANI "Poetika, peshë meridianësh" kushtuar Dritëro Agollit, në përvjetorin e ditëlindjes
- · GEZUAR DITELINDJEN, GJIGANTI I LETRAVE SHQIPE PROF, KRISTAQ F. SHABANI!
- Një himn për Nderin e Heshtur të Kombit, Prof.Kristaq F. Shabani Nga Dr. Hekuran A. Rapaj
- “Poezia është sentencë figurative” nga Prof. Kristaq Shabani I.W.A, AOM, W.P.S LNPSHA “PEGASI”ALBANIA
- MOS NDOSHTA JEMI AFËR DITËS … Hapje e siparit pyetësor nga Prof.Kristaq F. Shabani
Drejtat e ktij Forumit:
Ju nuk mund ti përgjigjeni temave të këtij forumi
|
|