Shpërthen makina-bombë në Ankara të Turqisë, 27 të vdekur

Shpërthen makina-bombë në Ankara të Turqisë, 27 të vdekur

Një shpërthim i fuqishëm në Ankara ka lënë të paktën 27 të vdekur dhe rreth 75 të plagosur. Bomba e vendosur në një nga lagjet kryesore të Turqisë, ku ndodhen ministritë, ka shpërthyer pranë disa stacioneve autobusi, çka i ka kushtuar jetën edhe njerëzve kalimtarë aty pranë.

23 prej tyre vdiqën në vendngjarje e ndërsa 4 të tjerë teksa po shkonin drejt spitalit. Zona është evakuuar menjëherë, për të shmangur një shpërthim të dytë dhe të plagosurit i kanë shpërndarë në 10 spitale të vendit. Presidenti i vendit, Rexhep Erdogan, la takimet zyrtare në Stamboll për t’u kthyer në Ankara dhe të asistojë në një tjetër tragjedi për vendin e tij.

Ndërkohë është publikuar dhe momenti i shpërthimit të fuqishëm. Në pamje duket qartë momenti i shpërthimit të një makine, që ecën në rrugë dhe shpërthen gjatë kohës që ishte në lëvizje. Ky është shpërthimi i tretë në Turqi që prej tetorit të 2015-s.