De Biasi tregon arsyet e humbjes kundër Austrisë
26th March 2016, 22:40
De Biasi tregon arsyet e humbjes kundër Austrisë
Trajneri i Kombëtares Kuqezi u shpreh pas ndeshjes se më shumë se për meritë të Austrisë, ishin gabimet në mbrojtje që çuan në këtë humbje
“Më të rrezikshmit nga kundërshtarët? Në pjesën e parë të lojës më të rrezikshëm për veten ishim ne, pasi i dhuruam dy golat”
Më shumë se për meritë të kundërshtarit, disfata e sotme ndaj Austrisë, sipas trajnerit të Kombëtares së Shqipërisë, i faturohet gabimeve në pësimin e dy golave në 13 minutat e para të lojës, sikurse dhe kartonit të kuq të Kaçes, që la kuqezinjtë në inferioritet numerik për gati 15 minutat e fundit të lojës. Pikërisht në këtë kontekst e ka komentuar kreu i pankinës së kombëtares humbjen e regjistruar në këtë miqësore të parë në kuadër të përgatitjeve për “Francë 2016”.
“E dinim që do të ishte një ndeshje e vështirë. Skuadra jonë nuk mund të pësojë dy gola në atë mënyrë, ishin dy gabime tejet të evitueshëm. I dhuruam dy golat. Më të rrezikshmit nga kundërshtarët? Në pjesën e parë të lojës më të rrezikshëm për veten ishim ne. Ato 30 minuta të para të lojës nuk ishin të mira për ne, ndërsa në pjesën e dytë arritëm të ndryshonim gjithçka”, deklaroi De Biasi.
Sipas trajnerit të Kombëtares Kuqezi, veç ndryshimit pozitiv në lojën e ekipit në pjesën e dytë, ajo që vlerësohet më së shumti është dëshira e shfaqur për të reaguar. “Folëm në dhomat e zhveshjes dhe me zëvendësimet e kryera arritëm ta ndryshonim lojën. Në pjesën e dytë luajtëm më mirë se Austria. Kartoni i kuq i Kaçes? Këto lloj kartonësh nuk jepen në miqësore. Episodi ndikoi në rezultat, sepse nëse do të luanim me 11 lojtarë do të kishim barazuar. Pas kësaj ndeshje mund të them që më pëlqeu dëshira e madhe e treguar nga skuadra për të reaguar dhe për të ndryshuar në momentin e vështirë”, përfundoi deklaratën e tij trajneri Gianni De Biasi, pas humbjes 2-1 të regjistruar në Vienë, ndaj Austrisë.
- marino
- Regjistruar : 24/01/2016
Postime : 2487
Points : 2587
Reputacioni : 88
Re: De Biasi tregon arsyet e humbjes kundër Austrisë
26th March 2016, 22:41
po prisni ore se me austrine luajtem jo me malten keshtu qe dhe humbje do kete
- vesalioFillestar
- Regjistruar : 29/01/2008
Postime : 12
Points : 9
Reputacioni : 0
Re: De Biasi tregon arsyet e humbjes kundër Austrisë
26th March 2016, 23:16
Ma mire ti ruajne forcat per evropian
Drejtat e ktij Forumit:
Ju nuk mund ti përgjigjeni temave të këtij forumi
|
|