APLIKIMI SISTEMATIK I ORGANIZATAVE

Organizata që kupton - Në filozofinë e veprimit ajo përparësi u jep vlerave të fuqishme kulturore që udhëheqin strategjinë e zhvillimit. Metodat qeverisëse theks të posaçëm kanë tek sqarimi , komunikimi dhe nxitja e kulturës organizative. Punëtorët i shfrytëzojnë vlerat e organizatës si drejtime udhëheqëse në sjelljen e tyre .Konsumatorët besojnë se vlerat e organizatës i sigurojnë. Ndërrimet bëhen vetëm në kornizat e vlerave.

Organizata që mendon - Në filozofinë e veprimit ajo ka kuptimin e parashikimit të ndodhive si pararendës të problemeve. Metodat qeverisëse theks të posaçëm i japin zbulimit të problemeve, bëjnë kërkim të informacioneve dhe i zgjedhin vendimet. Punëtorët me entuziazëm i përkrahin dhe i përmbushin vendimet programuese. Konsumatorët llogariten si problem për zgjidhje. Ndërrimet realizohen sipas procesit të zgjidhjes së problemeve.

Organizata që mëson - Në filozofinë e zhvillimit rëndësi i jep hulumtimit, përparimit të rezultatit pozitiv nga përvoja. Metodat qeverisëse stimulojnë eksperimentimet , stërvitjen , lehtësimin kreativ. Punëtorët mbledhin dhe shfrytëzojnë informata, japin vlera të reja. Konsumatorët paraqesin pjesë të procesit të stërvitjes me dialog të hapur dhe të pandërprerë. Ndërrimet janë pjesë e pandërprerë e procesit : përvojë- hulumtim - eksperimentim - përvojë.

Dimensioni i parë ( boshti horizontal ), e përfëshin shkallën e kontrollit të një organizate dhe vlerave që mvaren nga struktura organizative. Ajo zgjërohet tek ato organizata të cilat dallohen me strukturën organizuese fleksibile dhe spontane (spontaneity/ fleexibility) kundrejt atyre organizatave që dallohen me sistemin dhe mekanizmat e kontrollës, parashikimin dhe strukturat organizative rigoroze (predictability / structure).

Dimensioni i dytë e përfëshin orientimin e organizatave për shkallën intraverte dhe ekstraverte. Kuadri i tillë paraqet njërin nga katër modelet e larttheksuar të teorisë së organizatave që në teorinë e manaxhmentit mundësohet nga konstatimet bibliografike dhe empirike të teknikës statistikore.

Modeli i marrëdhënieve njerëzore i thekson kriteret siç janë bashkimi, morali, zhvillimi. Poashtu u bë fjalë edhe për modelin e hapur, dhe modelin racional.Të gjithë në tërësinë funksionale japin argumentet për Information Management Documentatin.

Modeli i hapur i sistemit ( Open system model), shpreh kontaktin e ekstravertes dhe fleksibiles. Me këtë jepet theksim i veçantë në zhvillimin e organizatës përmes përshtatjes permanente dhe marrëdhënieve të mira me rrethinën, me intraverten dhe rritjen e potencialit prodhues. Strukturat vepruese të organizatës janë shumë fleksibile, ndërsa procedurat birokratike janë shumë të kufizuara. Eksperimentimi dhe fryma e biznesit veçanërisht promovohen. Egzistojnë mekanizma të zhvilluar të kontrollit dhe analizës nga rrethina, formohen strategji afatgjata, ndërsa vizioni paraqet bazën e qeverisjes.

Modeli i marrëdhënieve njerëzore (Human relations model ) , shpreh kontaktin fleksibil dhe intravert . Orientimi kryesor i organizatës dhe menaxhimit është zhvillimi dhe plotësimi i nevojave njerëzore. Bashkimi, morali i lartë dhe marrëdhëniet e mira paraqiten si vlera themelore. Edukimi, zhvillimi i bashkëpunimit ekipor, besimi i ndërsjelltë, komunikimi , liria e shprehjes, janë mekanizmat për sjelljen e vendimeve, ndërsa kontrolli është karakteristika themelore e menaxhimit.

Modeli i procesit të brenshëm (Internal proces model ), i përgjigjet modelit birokratik të organizatës dhe qeverisjes sepse i vë në kontakt kontrollin dhe intravertën. Qëllimi kryesor është stabiliteti dhe parashikimi.Organizata karakterizohet me formalizëm (formalization) .Bëhen procese të zhvilluara të qeverisjes nga hierarkia. Mekanizmat e komunikimit të brendshëm dhe informimit janë të zhvilluar . Gjithsesi në theks të veçantë janë proceset tipike të sjelljes së vendimeve.

Modeli i procesit të brenshëm (Internal proces model ), i përgjigjet modelit birokratik të organizatës dhe qeverisjes sepse i vë në kontakt kontrollin dhe intravertën. Qëllimi kryesor është stabiliteti dhe parashikimi.Organizata karakterizohet me formalizëm (formalization) .Bëhen procese të zhvilluara të qeverisjes nga hierarkia. Mekanizmat e komunikimit të brendshëm dhe informimit janë të zhvilluar . Gjithsesi në theks të veçantë janë proceset tipike të sjelljes së vendimeve.

Vizionari (Vision-setter ), modeli i “sistemit të hapur” e zhvillon personalitetin e udhëheqësist sipas asaj që kuadri i lartë e mbështet dhe e përkrah sepse, ai është portereti i organizatës. Duke u përcaktuar dhe duke e formuar personalitetin e tij, udhëheqësi krijon bazën kryesore dhe rolin domethënës që i është besuar për vizionin dhe ardhmërinë e përcaktuar.Atij i duhet kohë t’i përkushtohet përcjelljes së procesit punues, kontrollit ekonomik, kontrollit teknologjik, tendencave sociale dhe kulturore të cilat në ngritjen dhe zhvillimin e organizatës kujdes të posaçëm u kushtojnë konkurrentëve të tregut . Gjithashtu të domosdoshme janë kontaktet të cilat krijojnë mundësitë e përcjelljes, njohurisë dhe kuptimit të pikave të dobëta dhe tendencave të brendshme e të jashtme të organizatës.