Sulmet, policia belge në kërkim të 4 autorëve; njëri hodhi veten në erë

Sulmet, policia belge në kërkim të 4 autorëve; njëri hodhi veten në erë

Është katër numri i personave të dyshuar si autorë të sulmeve gjakatare që goditën Brukselin paraditen e së martës.

Në lidhje të drejtpërdrejtë me edicionin informativ të orës 15:00 në Top Channel, gazetari Fatos Mahmutaj tha se policia belge është duke kryer kontrolle të imtësishme në Malpek dhe në Molenbek.

Njëri prej autorëve thuhet se ka hedhur veten në orë, ndërsa tre të tjerët janë fshehur. Dy prej tyre, policia belge dyshon se strehohen në Malpek, fare pranë zonës ku ndodhën shpërthimet në metro, ndërsa i treti besohet se ka mundur të largohet në lagjen Molenbek.

Operacioni për kapjen e të dyshuarve vazhdon në gjithë Brukselin. Autoritetet u kanë bërë thirrje banorëve që të qëndrojnë në banesat e tyre. Qyteti është thuajse i paralizuar. Shpërthimet nuk lanë pas vetëm të vdekurit dhe të plagosurit, por edhe panikun e thellë mes banorëve të qytetit.

/ Top Channel