Policia mesyn ne Lazarat

Policia mesyn ne Lazarat

E Enjte, 04 Shtator 2008

GJIROKASTER - Shkundet "perandoria" e Lazaratit. Policia e Gjirokastres dhe Forcat e Nderhyrjes se Shpejte, i jane afruar shume 24 oret e fundit fshatit rebel qe njihet edhe si oazi i mbjelljes se hashashit. Nen "pretekstin" e nje operacioni pa afat per sigurine e jetes ne rruget e qarkut, policia rajonale e perforcuar me FNSH-ne, ka zhvilluar "Sigurine e Jetes", nje aksion i koduar qe mesohet se do te zgjase edhe disa dite te tjera. Pikat kryesore ku eshte fokusuar operacioni, ishin rruget qe lidhin Lazaratin dhe synimi, fare i qarte: Te godasin trafikun e droges qe nga te dhenat qe disponon policia, eshte i brendshem dhe droga e kultivuar, u shitet tregtareve nga i gjithe vendi.

Vetem gjate dites se djeshme, u bllokuan 9 autobote te improvizuara qe furnizonin me uje fshatin me qellim vaditjen e bimeve narkotike. Ndersa u bllokua dhe nje automatik "Kallashnikov" me dy krehra plot me fisheke duke u prangosur pronari i tyre, sigurisht nje lazaratas. Po ashtu u arrestuan dhe tre persona te tjere, nga Lazarati, te cilet sulmuan me dhune policine kur ajo po zhvillonte operacionin e koduar "Siguria e Jetes". Ne te njejten kohe, edhe tete djem dhe burra lazaratas, jane shoqeruar dje per kundershtim te dhunshem te policise ne aksion e siper.

"Siguria e Jetes"

Ka qene me teper nje improvizim i forcave blu qe jane drejtuar nga kryepolici i sapoemeruar, Arben Hyseni, operacioni me kete emer te koduar. Sepse ne te vertete, synimi ka qene goditja e trafikut te droges qe gelon ne Lazarat, e shtuar kesaj, "kokefortesine" e lazaratasve per t'iu bindur policise. Ca me teper, per ta lejuar te futet brenda ne kete fshat "molle e ndaluese" per FNSH-ne.

Per te ndryshuar kete gjendje, u shkrine drejtuesit e policise se qarkut dhe ne vend te tyre erdhi si dore e forte, Arben Hyseni, ish-kryepolici i Elbasanit. Per aksionin e koduar si "Siguria e Jetes", prita eshte zene ne rrugen qe te con drejt fshatit Lazarat pergjate oreve te para te mengjesit. Policia pranoi se ne mungese momentalisht te hyrjes ne Lazarat, pozicioni me i favorshem ka qene aksi Gjirokaster-Kakavije, rruga kur kthehesh per ne Lazarat. Naten duke u zbardhur dita e djeshme, post-blloqe te uniformave te qarkullimit rrugor jane ngritur ne disa pika kyce, kryesisht ne Kordhoce. Pas tyre kane qendruar efektive te drejtorise dhe FNSH-se. Ata me shpejtesi kane bllokuar nente autobote qe ujitnin bimet narkotike te kultivuara, qe tani edhe pak kujdes duan qe te korren.

Por bllokimi i 9 autoboteve te improvizuara me kazane te medhenj te mbushur me uje, ka sjelle reagimin e ashper te tre prej te rinjve, banues ne fshatin Lazarat.

Ne perfundim jane arrestuar Oldian Proko, 19 vjec, i cili ne makinen e tij mbante nje automatik "Kallashnikov" pa leje me dy krehera, Xhemali dhe Urim Mahmuti, 46 dhe 19 vjec, babe e bir, te cilet gjate bllokimit te kamioncines te kthyer ne autobot, kane kundershtuar uniformat blu duke i kercenuar dhe sulmuar fizikisht. Te tre te ndaluarit mesohet se jane nga fshati Lazarat i Gjirokastres.

Mjeti "Benz" qe i eshte kapur Prokos ka qene pa targa, ndersa i eshte zbuluar edhe nje leve hekuri. Kurse kamioncina me targa GJ 1330A dhe nje tjeter tip "Benz" pa targa jane bllokuar me veshtiresi nga policet pasi drejtuesit kane sulmuar me dhune efektivet. Mesohet se jane bllokuar edhe gjashte mjete te tjera qe funksiononin si autobote, te llojeve te ndryshme, te gjitha te derguara ne piken e bllokimit ne Dragot. Burime zyrtare thane se autobotet pa dokumente transportonin uje te mbushur ne lumin Drino drejt Lazaratit dhe dyshohet per qellime vaditje te hashashit te mbjelle. Me 31 korrik ne Lazarat eshte zhvilluar operacioni i fundit kunder hashashit, ku ne pese parcela u korren dhe dogjen 9 mije rrenje hashashi, por nuk pati asnje te ndaluar. Ndersa ne pamje filmike televizive u pane qarte autobotet qe perdoreshin per te vaditur hashashin ne Lazarat.

Hetimet

Burime zyrtare thane dje per gazeten "Koha Jone" se ky operacion ka qene i parashikuar me qellim bllokimin e mjeteve qe qarkullojne pa dokumente, por edhe goditjen e rrjetit te dyshuar qe kultivon hashashin ne Lazarat. Nderkohe, mesohet se aksioni do te vazhdoje me intensiv, me nje plan te qarte per t'u futur ne brendesi te Lazaratit, aty ku gelon hashashi dhe armet. Zyrtarisht policia refuzoi te jape informacion per detajet e planit te hyrjes ne Lazarat por nga burime brenda saj, behet e ditur se po pergatitet nje skeme operacionale qe do te synoje lokalizimin e zonave ku eshte kultivuar hashashi dhe objektet, kryesisht prane banesash, ku pergatitet droga per t'u tregtuar. Burimet policore thane se po hetohet edhe per skemen e tregtise mes lazaratasve dhe bleresve shqiptare nga Tirana dhe rajone te tjera te vendit.

Rokada policore ne Gjirokaster

Nuk mund te ndodhte ndryshe. Lazarati ishte kthyer ne nje "kafshate" qe s'kaperdihej per Ministrine e Brendshme dhe Policine e Shtetit. Incidentet e njepasnjeshme dhe akuzat per favorizim te kultivuesve e trafikanteve te droges ne fshatin rebel kane vene ne levizje drejtuesit e larte. Fushata e korrjes se hashashit eshte shoqeruar me nje rokade deri ne themel ne Drejtorine e Policise Gjirokaster. Iken drejtori i komanduar Emri Vata dhe emerohet pas transferimit nga Elbasani Arben Hysenaj. Kryepolici Ahmet Prenci i ka propozuar ministrit Bujar Nishani nje oficer karriere te fushes se antidroges, pasi per tre vite ka drejtuar zyren kunder narkotikeve ne Tirane, 2000-2003. Bashke me Hysenajn ne Gjirokaster vijne edhe nje numer i larte oficeresh drejtues, nendrejtori, shefi i komisariatit, shefi i qarkullimit rrugor dhe disa sektore prapavije. Hyseniaj ka drejtuar me pare drejtorite e policive ne Shkoder dhe Elbasan, nga viti 2006-2008, ndersa mban graden drejtues.

Operacioni, bllokohen 26 automjete

Operacioni "Siguria e Jetes" ka nisur dy dite me pare nga Policia e Gjirokastres me qellim bllokimin e te gjitha mjeteve qe qarkullojne pa dokumentacione. Megjithate pikesynimi ka qene bllokimi i autoboteve qe furnizonin Lazaratin me uje per parcelat e hashashit. "Ne vazhdim te operacionit jane bllokuar edhe 12 automjete te cilat qarkullonin pa dokumentacionin perkates dhe jane vendosur 98 masa administrative me vlere 65000 leke", tha dje zedhenesi i shtypit te policise vendore, Gentian Mullai.

Mjetet e bllokuara mesohet se jane derguar drejt Dragotit, ku gjendet nje njesi e forcave speciale. Po keshtu mesohet se jane shoqeruar ne komisariat 14 mjete me xhama te erret qe pas heqjes se tyre drejtuesve u eshte vendosur gjobe per shkelje te rregullave te qarkullimit, ndersa jane bllokuar tre leje drejtimi te mjeteve. "Operacioni do te vazhdoje edhe ditet ne vijim, ne akset rrugore, ne rruget e qytetit, per te bere te mundur disiplinimin e qarkullimit dhe te minimizimit te shkeljeve te rregullave te qarkullimit rrugor", tha Mullai.