Poezi nga Edmond Shallvari

Nxehtesi nate

Te nxehten e nates e ndeva ne carcaf
Nxehtesine e shpirtit mbi ty e shkarkova
Virgjerine e gjumit perdhunova nje cast
Nuk di, me ty, a me gjumin mekatova?

Balona

Balonë e burgosur përjetësisht
Në kaltërsinë e burgut-qiell
Aty ku mbajtësi im mat lirin’
Robëria ime udhën merr.

Ç’kujtoni, se jam e lirë?
Robëria nga një lëmsh zgjatet
Qelia ime në hapësirë
Më shtrëngon më shumë frymëmarrjen.

Kam frikë në qiell e vetme
Pa spango kurrë s’kam fluturuar
Lëshuar tmerrohem për vdekje
Tërhequr mbetem robëruar.
-------------------------------------
SHIKOJ DHE NUK BESOJ ATE QE SHIKOJ
BESOJ DHE NUK SHIKOJ ATE QE BESOJ(E.SH)

Ç’janë ca plaka

Ç’janë ca plaka
Më vjen t’i shtrydh
Më ngjajnë me gjyshen
Që pata dikur.

Ç’janë ca plaka
Më kujtojn’ fëmininë
Pas gjyshes, përdore
Në krahë, mbi shpinë.

Ç’janë ca plaka
Dua gjyshe t’ju them
I ndjek nga prapa
Mbase gjyshen ma kthejn’.