Tre deputetët që nuk lejuan skenarin e brigadave të kuqe
28th February 2016, 19:57
Tre deputetët që nuk lejuan skenarin e brigadave të kuqe
Humbësit frustrohen, nisin linçimet
Lidhja Demokratike e Kosovës, ka respektuar në përpikmëri marrëveshjen e arritur me Partinë Demokratike të Kosovës, në fund të vitit 2014. Ashtu si ishte përcaktuar në marrëveshje, Hashim Thaçi u zgjodh President i Kosovës. Por, qëndrimi në sallë gjatë votimit të Presidentit, i deputetëve të LDK-së, Teuta Rugova, Doruntinë Maloku e Armend Zemaj u kritikua shumë nga njerëz të subjekteve politike opozitare e po ashtu edhe nga disa anëtarë të LDK-së. Ajo çfarë ishte më e rëndë, është se të gjithë linçuesit, hiqeshin sikur po flisnin në emër të rugovizmit.
“Teuta Rugova, Doruntina Maloku dhe Armend Zemaj e kanë kryer, si është më së miri punën e tyre, duke dëshmuar se, për të mirën e shtetit dhe të popullit të tyre, janë në gjendje që të sakrifikojnë interesat e tyre personale dhe familjare, janë në gjendje të therorizohen për ta mbrojtur kurrizin e pavarësisë së Kosovës, që bandat e brigadave të kuq, kryengritësit ludistë, molotovët dhe rrugaçët po përpiqen që ta shkatërrojnë”, shprehet Skënder Zogaj.
(Tekstin e plotë mund ta lexoni të hënën në publikimin e shtypur të gazetës kombëtare “Bota sot” në Kosovë dhe diasporë)
- epanjohuraAnëtar i vlerësuar
- Regjistruar : 27/02/2014
Postime : 1241
Points : 1375
Reputacioni : 108
Re: Tre deputetët që nuk lejuan skenarin e brigadave të kuqe
28th February 2016, 20:17
Në 6 qytete të Kosovës janë sulmuar zyrat e Lidhjes Demokratike të Kosovës.
Kjo ka ndodhur 24 orë pas votimit të Hashim Thaçit për president të vendit, raporton KTV. Thyerja e xhamave të selisë qendrore në Prishtinë, pastaj zyrës në bastionin e LDK-së në “Kodrën e Trimave”, si dhe në disa qendra të tjera të Kosovës, nga drejtues të kësaj partie po shihet si sulm i organizuar.
Anëtari i kryesisë së LDK-së, Arban Abrashi, ka treguar se janë thyer zyrat edhe në Gjakovë, Gjilan, Mitrovicë, Pejë dhe Istog.
E për këtë krim, siç e quan Abrashi, fajtorë janë ata që po i sulmojnë njëkohësisht edhe institucionet e vendit. Por këto akuza i hedh poshtë kryetari i Vetëvendosjes, Visar Ymeri.
Sipas tij, LDK-ja me përkrahjen që po ia bën Hashim Thaçit, ka nxitur reagimet e simpatizantëve të vet edhe herë të tjera.
Kurse zyrtarë të Policisë së Kosovës kanë bërë të ditur se janë duke kryer hetime.
Ndaj këtyre sulmeve ka reaguar edhe Partia Demokratike e Kosovës.
Gazeta Expres
Drejtat e ktij Forumit:
Ju nuk mund ti përgjigjeni temave të këtij forumi