"Poezia e gjetjes refleksionit dhe shprehësisë" “Shtatorja e kurorës” vëllim poetik i poete Mimoza Agalliu nga Kristaq F. Shabani IWA, WPS, AOM

Pas  vëllimit poetik “Çelnaja” Mimoza Agalliu shfaqet rishtas  me vëllimin poetik “Shtatorja  e kurorës”, duke treguar diagramën e saj poetike të ecurisë në poezinë, të cilën aq shumë e ka për zemër. Ajo çdo ditë jeton me simbolikën, me peizazhin natyror dhe shpirtëror si dhe me kombinimin  e saj ndividual peizazhin shpirtëroro-natyror, duke bashkuar ndjeshmërinë  e dy shpirtrave, të cilët, herë faniten e hërë shfaniten, duke krijuar panaorama për të këndvëstruar adhuruesit e produktit shpirtëror…Është një poezi, e cila e ka rrjedhojën te kërkimi me “eksplodator” në mendje. Në një  këndvështrim serioz të  poezisë e saj ndesh me një dukuri të fenomenizur spontaneiteti, duke sjellë gjetje e duke luftuar për krijimin e një individualiteti poetik gjithmonw nw rritje. Gjasat janë për këtë dhe flasin pikërisht për këtë.

Një poezi kjo e karakterit meditativo- peizazhor, e cila vjen me zbulim të natyrshëm të ndjesive, fenomeneve tw brendshme…, duke kaluar në një fazë simbolike konstatuese e duke lënë gjurmim në mendimin e individit. Tematika  e këtij vëllimi është e gjërë dhe prek fenomene tipikë, por edhe të rrallë të mendimit. Materia lëviz, transformohet me forcën e impresionit dhe të shfaqjes së dukurisë së konturuar fare natyrshëm, e cila rritet në përmasë…Në pamje të pare, të jashtme,  duket, sikur hallkat e sistemit vjershërues  nuk janë të lidhura njëra me tjetrën, por, me një studim analitik dhe duke u futur në fshehtësinë e krijesës ndjen pulsantin e lidhësisë së hallkave. Është poezia e ndodhjes në qëndrim, e lëvizjes, e dinamizmit e gërshetimin “molekular”, e precipitimit edhe e ngjyrimeve të rrymave të ndryshme poetike… Duke i mëshuar fort  simbolit, metaforës  si dhe përzgjedhjes së fjalës, nëpërmjet një “qërimi” të mirë mundohet të “qëndisë” , sipas mënyrës së saj. Është objektiv i krijueses të tentojë në koincizitet, shpeshherë, në krijimin esaj dhe t’u mëshojë gjetjeve të kompozitave, të cilat zgjidhin situata poetike  ngandonjeherë dhe të shumta në numër…    

Shumë krijime në këtë vëllim kanë prezencën e këtyre elementëve të renditura mw lart… Retorizmi është një dukuri e konkretizuar: A duhet shpresuar /te kjo  e drejtë e “padrejtë” ?! Detaji i metaforizuar: Shtangur nga habia, /Shpirti gdhend histori zemre…