"KUJTIME PËR ÇAJUPIN" nga Atdhetari Sofokli Çapi , Publikohen për herë të parë

*
Andoni punoi për pak kohë si avokat në Kajro, por pa shumë sukses. Ju paraqit një rast, që në të vërtetë, e bëri të njohur dhe i dha nam të mirë.
Ishte një pronar zvicerian që nuk po e merrte dot një pasuri të trashëguar. Pas disa avokatëve të pasuksesshëm, ai preferoi të drejtohej tek Çajupi.

Ditën e gjyqit, Çajupi u paraqit në gjyq me vonesë, aqsa gjyqi të mos shtyhej. Kur u paraqit trupi gjykues i tërhoqi vëmendjen. Çajupi, në fillim nuk u ndje, as kërkoi ndjesë për vonesën. Kur e mori fjalën, ju drejtua trupit gjykues duke i thënë se ju me të drejtë u mërzitët nga vonesa ime, po zotëria që përfaqësoj dhe që ka mbi dy vjet që sorrollatet nga administrata dhe drejtësia, ç’duhet të bëjë ?!

Gjyqin e fitoi dhe fama nisi t’i rritej, por kjo ishte e përkohshme. Çajupi ju përkushtua letërsisë.

Le të shërbejnë sadopak këto radhë në kujtim të 69 vjetorit të vdekjes së poetit.

Stavri Çapi
Qershor, 1999 Durrës
Botuar në gazetën ”Zagoria”