ATË ANTONIO BELUSHI, JERONIM DE RADA I DITËVE TONA...

ATË ANTONIO BELUSHI, JERONIM DE RADA I DITËVE TONA

Takim rasti me Atë Antonio Belushin në aeroplan.

Zhvilluam një bisedë të shkurtër, por të frytshme.

Ai është prift i shquar arbëresh i ritit katolik - bizantin. Me një grup të rinjsh arbëreshë, udhëtonte për në Prishtinë, për të marrë pjesë në Seminarin Ndërkombëtar të Gjuhës, Letërsisë dhe Kulturës shqiptare. Atë Antonio Belushi, jo vetëm që e flet shqipen letrare, por, ai dhe priftërinj të tjerë arbëreshë, me gjithë shpirt te fëmijët dhe te të rinjtë arbëreshë, ngjallin dashurinë ndaj gjuhës mëmë dhe dashurinë për atdheun e të parëve të tyre, Shqipërinë, apo siç e quajnë ata Arbërinë.

Atë Antonio Belushi dhe shumë priftërinj të tjerë nga Kalabria dhe Sicilia janë rilindësit e ditëve tona.

Atë, që bënë Rilindësit arbëreshë si: Jeronim de Rada, Zef Serembe, Gavril Darët, Anton Santori e shumë e shumë të tjerë, sot e bën Antonio Belushi me shokë.

Në gjakun e tyre të shprishur vëlon dashuria ndaj gjuhës, veshjes, zakoneve, popullit e, mbi të gjitha Shqipërisë, tokës meme, epokës së lavdishme të Gjergj Kastriotit Skënderbeut. Vepra e Atë Antonio Belushit duhet të jetë shembull për ne shqiptarët. Ai është një enciklopedi, lum ne që e kemi!

Nga zemra i uroj punë të mbarë, shëndet jetë të gjatë e të na rrojë sa Mali i Shenjtë i Tomorit! Romë, më 17 gusht 2014