Nga krijuesit tane

A.Z.Cajupi.

Kenga e kandarit

Grua mu prish kandari
nuk eshte me ai i pari

qe punonte dite e nate
gati si barut i thate

qe punonte dimer e vere
pa u lodhur asnjehere

qe ishte i lehte si flete
qe e mbante koken perpjete

qe turrej si trim i rralle
per te kapur zockat gjalle

dhe rropatej neper shpella
ku te ishin me te thella

Dhe tani s'di c'ka ngjar
here here rri i menduar

kur ben ftohte e dimer shume
struket e bie ne gjume

ndonese eshte i permalluar
gjuetine se ka rralluar

kerkon zocka te njoma
pellumbesha gusharoma

dhe me to giciliset
fillon celet kaperdiset

Giciliset i cel nuri
dhe merr pamjen prej burri

e fillon nga zanati
ashtu sic ka bere i jati

dhe versulet porsi ngjale
drejt vendlindjes ku ka dale -

Asdreni

Sa të dua o Shqipëri

Sa të dua, o Shqipëri,
sa me mall ndiej e sa dëshirë,
për ty gaz e dashuri
mu në zemër më ka mbirë!
Se për mua, o Atdhè,
je një lule aq e vyer,
sa nuk gjendet përmbi dhè
shpirtin tim për të ushqyer!

Asdreni

Himni i Flamurit

Rreth flamurit të përbashkuar,
Me një dëshirë me një qëllim,
Të gjithë Atij duke u betuar,
Të lidhim besën për shpëtim.

Prej lufte veç ai largohet,
Që është lindur tradhëtor,
Kush është burrë nuk frikohet,
Po vdes, po vdes si një Dëshmor.

Në dorë armët do ti mbajmë,
Të mbrojmë Atdheun në çdo vend,
Të drejtat tona ne s'i ndajmë,
Këtu armiqtë s'kanë vend.

Se Zoti vet e tha me gojë,
Që kombe shuhen përmbi dhè,
Po Shqipëria do të rrojë,
Për të, për të luftojmë ne.

Asdreni

I dashur Atdhè

Me vite jam larguar,
i dashur Atdhè,
por nuk të kam harruar,
se shumë i ëmbël je.

Kjo zemra më këndon
për ty, o Shqipëri,
por prapë më lëngon,
se je në varfëri.

Të fala të dërgoj,
këndej ku jam Atdhè,
gjithnjë po të kujtoj,
se birin tënd më ke

Asdreni

Dua

Mbi bar dua të prehem,
të këndoj, të dëfrehem,
të shoh rreth bagëtinë,
kur hanë dhe pinë;

të shoh fushat e blerta,
bimët kur i fryen era,
njerzit kur punojnë
dhe çupat kur këndojnë!

Ah, dua dhe lulet,
kur i shfaqin pekulet,
dhe fluturat që venë,
mbi to dua të jenë;

bilbili t'ia thotë
nën diellin e ngrohtë.

Dua dhe Shqiperinë,
se atje kam shtëpinë,
kur rrija nepër ferrat
edhe lozja me sheqerrat;

për këtë kam dëshirë
dhe s'dua më mirë,
atje dua të shkoj,
sa të jem e të rroj!

SEVËME FETIQI-PRETENI

PASQYRA E KUJTIMEVE
Ardhmëria s´di të ëndërrojë
ne e ëndërrojmë ardhmërinë
kur e kaluara nis të tregojë
çdo kujtim...

KLITO FUNDO

SEKS
Sapo të pashë ty u mrekullova,
E zhveshur krejt m´i ndeze zjarr dëshirat.
Kam bredhur shpesh në nudot femërore,
Sonte ti jemë e mira ndër të mirat.

DONIKA GASHI

NUK KAM FRIKË

Nuk kam frikë nga nata
Se ty
Të kërkoj.

PJETËR JAKU

PRITJE
U fola orëve,
Ato më bëheshin
ditë:

O Zot!
Unë do të vdes
Duke të prit!

SHQIPTAR OSEKU

NJË PËRRALLË ILIRE
Paramendo,Gjakova
një grusht dhe i butë e një duet
uji
një përrallë ilire

mbi qytet luten kodrat e Çabratit
për të dy anët e horizontit
shqiptar.

ALI PODRIMJA

MURI APO UNË
Në këmbë rrëshqet toka
Qielli mbi ballë krah nëne
Brendajashtë meje lëviz diqka

Bie Muri apo Unë zgjohem Oh zot.

RAGIP RAMA
KORIDOREVE TË SHPIRTIT

Koridoreve të shpiertit
copëza kujtimesh.

Orvatem
të bëj një mozaik
e të stolis me të
udhën e shpresës.

AZEM SHKRELI
MËRGIM

Kepat e shpresës së mirë
I rrisim me thërrime të dhembjes

Na dhëmbin eshtrat,na dhembin
Lindjet,varret,dashuritë

Gur mbi gur nuk e lëmë e
Kurkund fundi i së pafundmes

Njëherë i vemë gacën
Buzëmuzgut,e ndezim dhe ikim.

MUSTAFË XHEMAILI

KUFOMË

I gjallë në mesin e të vdekurve
I vdekur në mesin e të gjallëve
Merr frymë duke brejtur ajrin.

VASIL TABAKU
MAGJI FEMËRORE

Atë mbrëmje
era,
kishte bërë një kitarë
me fokët e tu...
Skifteri i vështrimit tim
mes kthetrash
mbante si në ethe
zogun e plagosur të puthjes....
Muzgu,
bënte dashuri
me dy pëllumbat e trembur
të krahrorit tënd.

Luan Starova


brigje

Do të shkojmënë breg
ta shohim detin

Ju ta kërkoni yllin
e ëndrrës së fundit
kurse unë tallazin
që qon në bregun tjetër
Ju do të flisni me pulëbardha
e unë do të ndjek fluturimin e tyre
të pa cak.

SKËNDER RUSI
POETI

Përroi e ka zili lumin,
Se vdes prej ti sapo e prek!


Lumi e ka zili detin,
Se sheh në te vdekjen e vet!
Deti e ka zili poetin
Se hyn në te edhe humbet.

DHIMITËR POJANAKU

NOCKDOWN
Nata pi me yjet
Dita thinjet.

PETRIT MIRENA
Kohë e vështirë
e një kokë
kërkon mëshirë.

Rruga shpëtimtare
zgjatet nëpër terr.

Dhe mbetet veç hija
Shikimi i fundit
muranë lumturie.

BESA MIFTIU-PERNOUX

Heshtje

Pritja i kaloj kufij ë e saj
Tani nuk të pres më.

Gënjen shpesh fjala
por heshtja thotë gjëthnë të vërtetën.