KRISTAQ F. SHABANI ALBANIA "Pranverim i Fonemave " poemë fragment
15th February 2021, 12:32
KRISTAQ F. SHABANI ALBANIA
Pranverim i Fonemave
poemë
fragment
Zëri transmeton
një “ vetëtimë frazimesh”
Ngjasuar me një kardiogramë
Fokusuar i quajturi “Babai i Gjuhësisë Shqipe:
Ilia Dilo Sheperi”
I. Zenit
1.Reflektimi i florizuar
Toka ia përcjell Qiellit,
Detit
mesazhin madhor
trumbetuar
me gjuhë Ëngjëjsh:
“Edhe sikur të ndërmerrni
aktin më cinik,
vrastar, antinjerëzor
fytin të ma prisni,
o barbari kryekëput
në shpirt,
zemër e tru të harbuar,
Do të ndjeni të habiturën ,
kur të shihni reflektimin e paparë,
Kundërveprimin e pandeshur kohërave,
kurrë, ndonjëherë
e në asnjë rast nga tiranët:
“Nga gjaku i damarëve të mi
të ezofagut
të prerë,
mos o Zot,
do të konturohet trupërisht
e shpirtërisht
e florizuar
një germë e ndritshme
“A”, fillesa e alfabetit,…
(Ej, Shtojzotvallet në rudinat Pashko Vasjane!
Në lëndinat naimiane,
Në gjak kapak floriri negovian,
Në luleflorinjtat çajupiane...
Në vizion ditirambike saminiane,
Në gumzhitje mbikoshere bletësh iliriane
Në vetëtimat ylberore...
Thirrorja alarmante s’pret radhwn
Në kompozitën noliane!
2. Germa në rrugëtim yjesh
Shihni, si ngjan kjo germë,
ç’konstrukt të bukur këndi ka,
kryet e saj drejt qiellit,
nga merr forcë e dritë ,
dy segmente vertikalë të gjallë
bashkuar në majë,
të lidhura me një segment po të drejtë,
të mishëzuar me dy vertikalët,
për t’u dhënë rrugëtim yjesh ...
3. Vetëtimë Qiejsh
Më ndihmoni, o Ëngjëj,
ta shpreh më figurshëm
këtë mrekulli diamantore,
të rrallë
të arkitekturoj Panteonin e Germave
shkruar- folëse
nga pellazgjishtja e lashtë...
Në të dhjetat e sekondës
do të befasoheni,
kur do të shfaqet e trimtë
një “B”;
(shpatet e maleve
do të arkitekturohen në trajtë “ B”-je
e shtrirë në dy simotra maja,
dy maja rrufepritëse krye lart)
paspak formatimin e trinitetit germor
do ta plotojë
një “C”…
(Hënë me synim për t’u
kthyer në hënë pesëmbëdhjetëshe
në modelim të qendisuar zagorit).
(Kush ma ka vjedhë këtë simbol?)
“Pirostia e Madhe e Zjarrit,
ku shëndetohet njerëzia
Ndizen flakë shpirtrat...
Vetëtijnë Qiejt,
në mes të kaltërsisë qiellore
studiuese e ardhjes së reve,
sjellëse shirash,
pushtuese manjate qiejsh...
4. Sakrilegji për Germat
Thyejnë qetimin detet...
Thyerja e normave
të prezantimit të Mrekullive...
Çfarë sakrifikim për gjuhën!
Sakrilegji më madhështor i rënies,
Ku fjalën e mospërcjelljes
në kortezhin e ringjalljes
E mban Alfabeti,
Germat,
Fonemat,
Morfemat...
Vetë shpirti.
5. Çengelim i pashpirt
Fillesa e alfabetit të germave
të krahëhapur fluturues ...
Qielli do t’i gufojë kraharori ,
Deti do të baticojë,
Toka do të kulmojë
lulërinë më të shndritshme ,
Zotat do të kungojnë e pagëzojnë
alfabetvjetrin e gjuhës së lashtë ...
Kush na e fshehu alfabetin, kush?
E futi 50 km pashë nën dhe’.
Kush na detyroi
të sakrilegjohemi kaq paturpërisht,
Të na varnin në intriga,
të na çengelonin në kurthe,
Të na vrisnin buzëqeshjen,
teksa dilnin fonemat nga buza, kush?!
6.Penelatim sfinks
Teksa germat tona të shkruara
kanë trajta origjinale të shprehura
Nga relievi ynë fantastik,
Peneletuar me shpirtmadhësi natyre,
Germat tona, fongo të bukura, të lidhura
krijuese frazash të shndritshme,
Me plot të drejtë i kam quajtur sfinkse...
Pas këtij triniteti,
një ansambël fonemash
Do t’u tërmetëzojë .
Pasgoditje të vrullshme,
dridhje ,
eklipse,
Nga vendet e natyrshme
do të lëvizin polet,
meridian- paralelet,
kurbat,
trupat gjeometrike,
format,
do të nis Eoli të shfryjë erërat...
6. Partitura hyjnore
Dhe fyti im, çuditërisht,
do të rifitojë trajtën e parë...
Pyetja habitshëm do të pyesë veten :
“ Ku shkoi prerja?”
Çfarë fuqie hyjnore
paskërkan fonemat, germat?
Kush je ti, i ardhur i huaj
që kërkon të “presësh” kordat?
Zanoret do të bashkohen
në partiturë pasthirrmash ...
Bashkëtingëlloret e zëshme dhe të pazëshme
do të zbukurojnë buzët e racës së bukur,
teksa dalin në “eter”...,
së toku me zanoret fosforeshente…
7. Shkreptim stralli xixëllonjë
Është Pranvera e Fonemave ,
Morfemave
e Germave,
e Shkronjave
o Foka të vjetra,
është lëngu limfatik i germave
daton pulsin e Pranverës së Fonemave,
tepëria e klorofilës,
gjelbërim i përhershëm
nxehtësia e zjarrit
dhe e flakës së tij të përhapur
në indet e tokës dhe të shpirtrave...,
shkreptim stralli si xixëllonja.
8.“Qytet” gurëmëdhenj akull
Largohu, dimër,
me akull-ngricën,
me temperamentin tënd
të akullt,
në qytete të ngritur
me “gurëmëdhenj “ akull...
9. Parësia e Kryedheut
Ç’prisni?
S’ma bën tërt syri,
Për mua kërcënimi ka thyer dhëmbët,
Turrëdruja e mesjetës s’e ndez dot flakën?
Vdekjen e pres germërisht në këmbë,
trimërisht me tri fomema alfabeti,
e pas tyre dhe 33 të tjera ,
me shkreptima bubullimash
shoqëruar nga vetëtima të thikta .
Çelnon i vetëtimtë sipari i një gjuhe të lashtë,
Folur nga të Parët e Dheut,
Spostuar pa të drejtë nga ardhësit arktikë...
Ndoshta, një fenomen i paparë
me një peizazh kombinues
nga më të bukurit e penelatuar nga Natyra...
10. Përrallimi i buronjave
Kur arriti në këtë pjesë të dheut,
Natyra me penelin e saj çudë
Nisi të pikturojë,
sikundërse di vetëm ajo...
Magjizoi gjithçka me penelin e saj,
I dha frymë ,
I dha gjallimin ...
Peizazhoi kurorën e pemëve,
Teksa çelnojë penelin
shpërtheu përrallimi i burimeve,
çau mes përmes një lumë me ujë të kristaltë;
nxiti lindjen e një kurore lulesh,
buisën miliona të tjera,
relievi mori trajta fantastike,
bilbilim e këngërime zogjsh...
Relievi ra në “koma”
ng a kënaqësia e epërme.
11. Po a mund?!
Edhe sikur fytin barbarisht të ma prisni,
Prej atij fyti do të dalin ,
duke i tmerruar,
anti njerëzit,
tentues barbarë të gjuhës sime :
Një A,
Një B,
Një C...
Po a mund t’ua prisni fytin Maleve,
Deteve, Qiellores, a mundeni ?!...
- “Sfinksi” i germave KRISTAQ F. SHABANI, ALBANIA
- KRISTAQ F. SHABANI "EZMERKA ME TOPUZ" Poemë lirike (fragment) 2008
- "Pasqyra qiellore fanit hidhërimin e 36 fonemave"poezi nga Kristaq F. Shabani
- KRISTAQ F. SHABANI , ALBANIA KOHE E JARGAVITUR... nga vëllim poetik "KOHES I NDEZ BUZET " I KRISTAQ F. SHABANIT, botim i vitit 2008
- The advanced thought is only the thinking of the genuine prophets … By Kristaq F. Shabani Albania
Drejtat e ktij Forumit:
Ju nuk mund ti përgjigjeni temave të këtij forumi
|
|