"Pasqyra qiellore fanit hidhërimin e 36 fonemave"poezi nga Kristaq F. Shabani

nj.
ua hipin mllefeve,
delirimeve,
psikopative
të quajtura të hatashme,
në një hipje përsëprapthi
kali gri,
dhe lulet i hedhin
tashmë e më shpesh
në arkivole lulërina
në shenjë hakmarrje
kodifikuar “NDERIM”….

o.

Janusi plak tashmë shikon,
në të njëjtën kohë,
të dy kahjet e ikjes dhe të fluturimit;
pi aspirinën
e dhimbjes së tokës -Janus.

p.

Ç’njerëz kaq të vegjël
me inat e mllef
të paprodhur kaq egërsisht më parë ,
( harruar të parët drejt e sy)
Me sytë e ulura përdhe,
duke i thënë tokës…:

q.

"Eshtërzoje,
zhdukja farën!…."

r.
Eliminimi ka zjarrmi të madhe,
ka kraharorë të ngushtë,
zemër të zezë,
buzë të paputhur kurrë,
mall të arratisur,
programim e taktikë heqëse,
me çdo kusht mosqëndrim
në dy këmbë Zoti…

rr.
Dyshja e vendosur
në skenë aktrimi
interpreton,
firmon prapa kuintash,
tani ti e pastaj unë….

s.

Ata një herë në katër vjet
do t’ju ngjyejnë gishtin me bojë,
në katër vjet
do të përdorin kartë identiteti,
në katër vjet...,

sh.

do të zgjerojmë hapësirën e trilleve
dhe mashtrimin tonë
me nëntë kokë gorgonje;

flasin për një të ardhme
të ndryshuar,

t.
për një buzëqeshje
mbi buzëqeshjet,

th.
për moskorruptim
e burokracira formale,
për një pushtet

u.
në dorë populli
(figurativisht)
dhe metafora fryhet

v.

gjatë katër vjetëve
duke u bërë e para e stilistikës
e duke konkurruar
me hiperbolën dinake…

x.
Fjalë të nimfëzuara
të përrallisin
me aftësinë e treguesit
paradoks të përrallës:

xh.
“ Preket ndryshimi,
preket ardhmëria…”

y.
Ka mbetur pa këngë “bilbili”...

z. zh
2.
Mbyll kanatën ,
mbyll natën ,
pres me fonemat agun...

2010