"GJUHA JONË , GJUHË MJALTI…" nga kristaq F. Shabani

E nxora nga arkivi im poetik…

Kjo poezi, është shkruar 26 vite më parë, në Athinë, në Bibliotekën e Shtëpisë Botuese “ THAMIRIS”, të studiuesit të madh ARISTIDH P. KOLJA , i impresionuar nga Bilbioteka e tij e madhe me fond të pasur shqip… Lexuesi i parë i kësaj poezie të “thjeshtë”, jo sipas mënyrës sime të të shkruarit, ishte vetë Aristidhi, i cili u emocionua së tepërmi dhe e lexonte shpesh, në kontaktimet tona .

GJUHA JONË , GJUHË MJALTI…

poemth

NGA KRISTAQ F. SHABANI

1.
Gjuha shqipe, gjuhë buronjë,
“Rrënjëve” fjalërejat rrjedhin,
I artë figurimi “Zonjë”,
Kurorë lulesh frazat mbledhin …
2.
Kur flitet për gjuhën shqipe ,
Vetë Perënditë habiten,
Shtojzotvallet e Olimpet,
Ligësitë shpejt veniten…
3.
“Gjuhëkëputurit” në stepje,
Mbështjellë shtresës së akullt,
Kronikanët në arkiva “qepje”,...
Lashtësia rrëshqet e “amullt”…
4.
Këtë gjuhë folën Të parët ,
Kur u plotëformuan tokat ,
E foli I lashti nga të lashtët,
U krenaruan Kryekokat …

5.
Bashkë me të folurën e artë,
U shkrua me simbole Qielli ,
Eh, ikën , mijëravjeçarët,
Shqiptari falet te Dielli!…
.
6.
Tokë e ngrohtë, e drituar,
Shpërndau Globit “fjalë”,
Sot, ata që janë zgjuar,
Kërkojnë gjuhës së lashtë…

7.
Gjuha jonë, gjuhë mjalti,
“Pranveron” në dy stinë,
E ka thënë dhe I pari:
“Gjuha jonë, sa e mirë!

7.
Kërkuan t’i mbyllin portat,
T’ia mbyllnin dhe dritaret,
Por, ato i hapët Zotat,
I qetuan vetë Malet!

8.
Gjuha jonë, sa fisnike,
Gjuha jonë, gjuhë bese,
Nëpër shekuj, ti ndrite ,
Rreze - malnajë shprese…

9.
Gjuha jonë, kurrë e pabesë,
Si ra në qafë gjuhës tjetër,
Gjuhë e gjelbër me lulesë ,
Vallëzojnë gërmat në letër!...

10.
Mbyllur historia në arkiva,
Dalja e saj, frikohet bota,
Gjuhë mira, gjuhë mira
Vjen për ty, një ditë ora!…

11.
Veç krenim , o shqiptarë,
Të kemi Gjuhën tonë,
Amanet “gjuhën” e parë…
Vijmë e ikim nga kjo Botë!

12.
Guhës tënde kuptim kanë
Fjalët “Atdhe” e “Nënë”,
Flamurkuqit gjak lanë,
Në kryejetë shenjë lënë!

13.
Vemi e vijmë në Evropë ,
Gjuhët e vendeve flasim,
E shohin, sa jemi të zotë ,
Nga zgjuarsia i shtangim…

14.
Flet me fjalorin e vet Gjuha:
“Respektoni gjuhën e tjetrit.
A zbrazet Deti nga Luga?
A pasurohet shpirti prej mllefit?”

15.
Le të derdhet burracakëria,
Si fjala, unë jam e para,
Prej meje del fjalëmira
Lum, prej kush e hedhur fara!

Refreni :
16.
Gjuha jonë, gjuhë mjalti,
“Pranveron” në dy stinë,
E ka thënë gjithmonë I pari:
“Gjuha jonë , sa e mirë!

Kristaq F. Shabani

Athinë, Greqi, më 09.02.1995